Sa makausa pa ato nasang saulogon ang pasyon ug kamatayon sa krus sa atong mahal nga Manunubos didto sa bukid sa Kalbaryo libuan ka tuig nga minglabay.
Ang tanang mabuot nga Kristiyanos sayod sa hinungdan nganong nag-antus ug nagpakamatay sa krus ang atong Ginoo. Iya kadtong gihimo aron sa pagtubos kanato sa atong kasal-anan.
Dako ang utang ta sa Dios ug kinahanglan lang nga ato kining bayran pinaagi sa dili lang sa pagbasol sa atong nabuhat nga mga sala kundili usab sa pag-usab sa atong kinabuhi alang sa Iyang kabulahanan.
Semana Santa na. Mag-usab na kita sa atong mga taras ug kinaiya nga wala mohaom sa kagustohan sa atong Ginoo.