Sa nahitabong panagtrokis sa duha ka senador, ang sentro sa ilang panagbangi sa hunahuna ug mahait nga mga pulong mao si Marcos.
Atong nakutlo nga sa kangil-ad man ni Marcos, daghan ang nakapahimos sa iyang gahom. Mao nga di maayong sigehag hisgut ang iyang ngan tungod kay kon atong ukiton og maayo ang iyang kagahapon, daghan tingali ang mangguwa nga mga kasayoran bahin sa ato karong mga lider nga sa ilang panahon diha sa kiliran ni Marcos.
Hinumdoman nga sa panahon ni Marcos, at the height sa iyang gahom, maihap lang sa atong mga tudlo sa kamut (way labut sa tiil) ang giisip nga diha sa kampo sa oposisyon.
Practically, diha kaniya ang tanan, gikan sa kadagkuan sa kaulohan ngadto sa mga gobernador, mga mayor ug mga kapitan sa barangay. And, of course, the military.
Of course, there was nothing wrong with all of these. Sama nga nothing is wrong sa karon nga sitwasyon diin, ang military, ang mga local officials anaa sa kiliran ni Gloria.
Ug bahin sa other side ni Marcos, sulod sa 20 ka tuig niyang pagdumaa sa atong nasud, waa ba gyud siyay nahimong maayo?
Suwayi kono Dro og compare ang mga maayong nahimo ni Marcos sa iyang 20 ka tuig ug sa mga maayong nahimo sa combined nga 30 ka tuig nila ni Cory, Ramos, Erap ug Gloria. Tan-awa no, in terms of development, kon kinsay daghang nahimo.
Tan-awa sad Dro, kon kining mga tawhana, ang ilang mga katigulangan, diin sila panahon ni Marcos. Ang nahitabo ra ba, nga sa pagbali sa panahon, naglumba sila pagbalitok, ug kadto intawong gipang-siritan sa tubig sa fire department, ug gipangbunalan sa truncheon sa kapolisan, gipadaplin.
Kahinumdom ka ini, Dro? O, natawo na ba ka ini, Dro?