Sama karon, Domingo, sagad kanato moadto sa simbahan og mangadye. Diha sa atong pangadyeon, dunay mga linya diha nga nagkanayon.
"Pasayloa ako Ginoo sa akong mga sala, maingon nga ako nakapasaylo sa mga tawo nga nagpakasala kanako."
Ako kining gituki aron sa pagpahinumdom sa uban sa atong pagkamapasayloon ngadto sa atong isigkatawo.
Sa miagi god nga Biyernes, mitambong ko sa husay sa kasong civil nga gipasaka ni Wesy Quisumbing batok sa iyang amahan, si Mr. Norberto Quisumbing.
Kadtong wala pa masayod, si Wesy mipasaka og kaso sa iyang amahan ug mga kauban sa pamilya human siya gitaktak sa pagka presidente ug chief executive officer sa ilang korporasyon.
Didto nako mahibaw-i nga si Wesy diay, nakasinati og grabe kaayo nga kahimtang sa panglawas dihang misaka pag-ayo ang iyang blood sugar, direyot g'yod tawon siya makoma.
Ang mga abogado ni Wesy mitug-an nga nasubo tawon ang anak kay wala g'yod kini duawa sa iyang pamilya didto sa tambalanan.
Tingali naghambin pa sila og kasuko kang Wesy kay mao man kini ang mipasaka og kaso batok sa ilang amahan human siya tangtanga sa katungdanan.
Apan kay diha na lagi unta sa peligro nga kahimtang ang anak, angay na tingali unta nga ihiklin nato ang kahiubos. Karon, si Wesy misugyot nga sulbaron nila nga malinawon ang ilang panagsungi.
Usa kini ka maayong sumbanan kon si Mr. Quisumbing andam ba nga makig-uli sa iyang anak, ilabi na nga nakadungog ko nga molansar kini og pwesto sa kagamhanan.
Pwerteng lisura ana Bay. Pinaagi lang sa iyang gisulti ug walay dugang kamatuoran, lisud nimo siya nga mapakonbikto ug hayan ibasura lang sa hukmanan ang imong kaso.
Wala tika tudloi kon unsay imong buhaton ha, apan tug-anan tika nga dunay balaod nga gilatid sa Article 247 sa Revised Penal Code. Gitawag kini og "Death or Physical Injuries under Exceptional Circumstances."
Dinhi, ang usa ka bana nga makasakop sa akto sa iyang asawa nga makighilawas sa laing lalaki - timan-i ha?, sa akto g'yod nga nakig-sex kini og laing lalaki - mahimo nimo ang imong gustong buhaton.
Kon dili ka makapugong sa imong kasuko ug mapatay nimo ang usa kanila o ang duha g'yod, gamay ka ra kaayo og silot.
Ang imong buhaton, angkonon ra nimo nga napatay nimo sila sa akto nga naglimbong kanimo. Sa ingon niini nga kaso, ang huwes mosilot ra kanimo og "destiero."
Unsay buot ipasabot? Pananglitan taga Sugbo ka, mahimong ang huwes momando lang nga sulod sa lima ka tuig, dili ka magpakita dinhi. Ang imong buhaton, adto ka puyo sa laing lugar pero dili ka na mapriso.
Gitionan na niya ang duha sa iyang 45 kalibre nga pistola. Pastilan, malooy man siya nga mopusil sa iyang asawa, kay in-love lagi kaayo.
Unsay iyang gibuhat? Miadto siya sa kusina og mikuha og usa ka planggana nga tubig. Gisabyag niya ni sa iyang asawa ug niadtong lalaki nga parehong walay senina.
Dungan sa pagsablig niya'g tubig, misinggit ang bana, "Mangapasmo pa unta mo.!" He! He! He! Happy Sunday.