Usa ka liyon ang dunay dakong tinguha nga motukob sa mga torong baka nga nanibsib sa may sibsibanan. Apan dili siya makahimo niini sanglit tulo man sila ka buok og nagdungan pa gyud sila pagpanibsib. Maglisud gayud ang maong liyon. Usa ka dautang hunahuna ang nahimugso diha sa iyang pangisip. Tuod man, iyang gihimong magkaaway ang mga toro pinaagi sa mga dili maayong taho. Kasina, pagdumot, ug pagpangluod ang mihari sa tulo. Mao nga sukad niadto dili na sila magdungan og panibsib. Butang nga nakapalipay pag-ayo sa liyon nga sayon rang mitukob kanilang tulo sa tinagsa nga paagi!
Pamalandong
Ang bisan unsang institusyon o organisasyon nga walay panaghiusa, mabungkag ug mapukan gayud.