Husto si Danny Sy ini. Malouy ta sa interbiyohon nga magpasagad lang tubag kaylagi, waa mahibawo nga gi-on-the-air diay siya. Kinahanglan tahuron ang iyang privacy bisag usa siya ka public figure.
Samtang ang usa ka government personality usa ka "public property," kinahanglan respetahan sad ang iyang person aron di siya ma-unnecessarily exposed to embarrassment.
Usahay ra ba, ma-sad-an na ta atubangan sa publiko, mabawo na tag panagang gumikan sa mga pagkulitog sa media. Mao ni ang giingon nga trial by publicity.
Laing punto ni Sy mao nga maayo gyud unta nga pahibaw-on daan ang interbiyohon on-the-air, aron makapangandam tawon ang interbiyohon, ug maka-preparar unsay ipanubag. Ug aron di magka-nga-ka-nga.
Malouy tawon ta nila uy! Usahay god mora na silag giimbistigar. Mora na silag naa sa korte. Maayo pang korte kay duna may abogado. Ug preparado nang daan ang mga ipanulti.
Apan, sa radyo, diritso-diritso ug waa kay dag-anan tungod kay ang "last say" sila man gyud. Ang-ang og makiglalis ka nila. Samot kang lat-an.
Sa giingon ni Sy, "a franchise to operate a radio station is only a privilege not a right." Busa, nagtingog ka diha sa radyo karon, dili tungod kay imo kining katungod kondili, gihatagan kag pribilihiyo pagtingog. Busa, ampingi ang maong privilege, ayaw abusahi, ayaw himoang kasangkapan pagpanghimaraut, pag-lambast, ug pagnudnod sa kaulawan ni bisan kinsa. Di ba, Dro? Isn't this fair?