Makasasala

Bro. Andrew Ma. Almonte

Usa ka makasasala miduol kang Abba Pambo aron magpatambag.

"Unsay angay'ng buhaton aron maluwas ang usa ka makasasala nga sama nako?" Si Abba Pambo mitubag: "Anak, nabuhat na nimo ang unang lakang aron maangkon mo ang kaluwasan." Ang tawo misuna: "Ang mahitungod sa unsa man?" Si Abba Pambo mitubag: "Ang pag-angkon nga ikaw usa diay ka makasasala."

Pamalandong

Ang dakong hinungdan kon nganong dili mabatonan ang pasaylo tungod kay wala ang tawo mangayo. Ang kaluwasan nagkahulogan og pagtugyan sa kaugalingon ngadto sa grasya ug kaluoy sa Dios. Aron mabuhat nato kini, atong ugmaron ang birtud sa pagpaubos og ang pag-angkon sa atong kahuyangan kay ning paagiha, kita hingpiton sa Dios.