Malilinang ito sa news reports nu’ng araw ding ‘yon mula Bangkok. "Rebelyong Muslim, away sa isang may-ari ng media company, pumalpak na state asset sale, lagapak na ratings, at apat na buwan pagtulog ng stock market" – ilan lang ‘yan sa mga sakit-ulo ni Thaksin, ulat ng Bloomberg. "Ang approval rating niya nitong Oktubre ay bagsak sa 58.2 percent, mula 77.5 percent nu’ng Pebrero."
Desperado si Thaksin. Malala ang kawalan ng tiwala ng publiko sa kanya, sampung taon lang mula sa pinaka-matinding panalo sa halalan sa kasaysayan ng Thailand mula nang ito’y maging constitutional monarchy nu’ng 1932. Sinisira siya ng lumulubog na ekonomiya, tumataas na presyo ng bilihin, at kakapusan ng koleksiyong buwis – at ng kritisismo mula sa nagngangalit na media. Inaaway din niya ang mga guro at magsasaka.
At saan ibinibintang ni Thaksin lahat ito? Nu’ng una, sabi niya, sa masamang horoscope: "Mali ang alignment ng Mercury." Kinansela niya ang lingguhang press briefings hanggang pagtatapos ng taon. Matapos ang ilang araw ng masungit na pag-iwas, nagpa-interview na siya muli nu’ng Miyerkoles sa ilang piling reporters para magbigay ng komentaryo. At isa na nga ‘yung umano’y sumasamang takbo ng SEAGames na noo’y idinadaos sa Pilipinas.
May katuwiran si Thaksin sa pagsabing mas importante ang athletic spirit kaysa award. Pero bilang head of government, dapat ay nag-ingat siya sa pananalita dahil host ang Pilipinas. Sinabayan pa naman siya ng secretary general ng Thailand Olympic Committee na nagparatang, miski walang batayan o detalye, na dinaya sila ng Pilipinas sa taekwondo, boxing at gymnastics. At sila din naman ang Thai official sa ginto. Hindi na raw sila makaka-110-118 ginto dahil sa pagkatalo sa Pilipinas.
Hindi ba nila naiintindihan ang home court advantage ng host?