Ay nagpapadala sa masamang layon;
D’yan sa Makati laging nagtitipon
Mga kababayang baluktot ang misyon!
Baluktot ang misyon dahil ang hangarin
Itong buong bansa ay gustong lumpuhin;
Yaong nakatindig na gobyerno natin
Gusto ay ibagsak -— ang baya’y wasakin!
Palaging may rally na nakasisira
Sa ekonomiya nitong ating bansa;
May mga lider pang sa ganito’y tuwa
Pagka’t pansarili ang layuni’t nasa!
At maraming lider diyan sa Makati
Na nangunguna pa kapagka may rally;
Sana’y maintindihang sa masamang gawi
Mga negosyante’y hindi mapakali!
Hindi mapalagay at gusto’y umalis
Ng mga investor na laging affected;
Sana naman sana – mga anak-pawis
Huwag kayong makinig sa lider-kamatis!
Kung tayo’y sasama sa rally o demo
Sa tamang layunin -— tapat at matino;
Huwag tayong paakit sa sulsol at tukso
Ng mga mapera’t lider na demonyo!
Lider lamang sila dahil sa ang misyon -—
Maging matagumpay kanilang ambisyon;
Nais pamunuan itong buong nasyon
At tayo’y magdusa hanggang sa mabaon!