Aduna gihapoy gagmay'ng mga pundok sa mga tulisan ug uban pang badlungon sa katilingban nga wala pa matiktiki sa kapolisan.
Bisan wala na silang Tores ug Tongol, daghan gihapon kaayong nawad-an sa ilang cellphone, alahas ug salapi tungod kay nabiktima sa pagpanulis. Silang Tongol ug Torres notado na sa pagpamusil og mga dinagko - mobiktima og mga establisamento - apan adunay mga ginagmay diha nga moigo usab natong mga yano nga maglakaw sa mga awa-aw nga lugar.
Nabantayan man gani nga bisan nanglayas na kining duha human makadungog nga gi-hanting sa mga vigilantes nga naglihok dinhi sa dakbayan, aduna gihapoy mga establisamento sa Sugbo, Manadaue ug Lapu-Lapu nga nangabiktima gihapon sa pagpanulis sa payroll.
Ang pagkapatay ni Tongol ug ang pagkasikop ug pagkapungkol ni Torres dili gyud unta angay nga ikapanghambog sa kapolisan.
Tungod kay aduna pa silay misyon - ang pagpuhag nianang mga gagmay'ng pundok sa mga tulisan.