Ika nga sa kape, 3-in-1 pala si SPO4 Tom Bio

NABABAHALA ang mga magulang dahil sa dalawang puwesto ng sugal na color game diyan sa Quiapo, Manila na kinalolokohan ng kanilang mga estudyanteng anak. Imbes kasi na sa bahay ang diretso ng mga anak nilang estudyante ng Philippine College of Criminology (PCCr) at Technological Institute of the Phils. (TIP) eh doon sila sa mga mesa ng color game nahaharang. Sinabi ng mga magulang na ang color game ay matatagpuan sa kanto ng Sales at Raon Sts. at Quezon Blvd. at Raon Sts. na ilang kanto lang sa presinto ng pulisya sa Plaza Miranda detachment. Nagbubulag-bulagan daw ang mga pulis sa naturang detachment sa sumbong nila, anang mga magulang na nakausap natin. Ipinagtanong natin sa Manila’s Finest at ang nasa likod pala ng sugal na color game na ito ay ang isang SPO4 Tom Bio na miyembro ng WPD, he-he-he! Tiyak may kalalagyan itong si Bio, di ba mga suki?

Kung tawagin pala ng Manila’s Finest si Tom Bio ay "all weather". Ibig sabihin, kahit sinong uupo na hepe ng WPD ay hindi natitinag si Bio sa kanyang trabaho bilang kolektor ng lingguhang intelihensiya nga. Tulad sa ngayon, ’ika nga sa kape, 3-in-1 itong si Tom Bio, anang kausap natin. Sinabi ng kanyang kapwa pulis na si Tom Bio ang kolektor ng intelihensiya sa ngayon ng Station 6 ng WPD sa Sta. Ana, ng DILG ni Sec. Joey Lina at ng opisina ni NCRPO chief Dir. Ricardo de Leon. Kaya’t tiba-tiba itong si Bio sa ngayon, anang kapwa niya pulis sa WPD. Kaya hindi nagtataka ang mga magulang na nakausap natin kung bahit hindi man lang nininerbiyos sa kampanya ng NCRPO laban sa scalawags at misfits si Bio dahil sa lakas ng kapit niya, he-he-he! Subukan natin ang tibay ni Bio, di ba mga suki?

Kung sabagay, si Bio pala ay kasama sa stable ni Sr. Insp. Rene de Jesus, ang over-all tong collector ng WPD. Sinabi ng kapwa nila pulis na ang lumalakad pala ng intelihensiya para kay de Jesus ay si Bio para sa mga perya, at Insps. Tony Bangit, Teddy de Jesus at Angel