Higit na takot ang Pilipino sa gutom at sakit kaysa sa banta ng terrorismo. Kaya ng mga Pilipinong balewalain at isantabi ang panganib. Pero hindi nito kayang tiisin ang kumakalam na tiyan.
Karamihan sa ating mga suliranin, kabilang na ang terrorismo, ay may kaugnayan sa kahirapan. Ang kahirapan ang nagsisilbing panggatong sa apoy ng terrorismo.
Mahilig mangako ang mga pulitiko. Masaganang buhay, magandang bukas. Kinakailangang tandaan at singilin ng mga Pilipino ang binitawan nilang mga pangako gaya ng ginagawang paniningil ng gobyerno sa mga terrorista. Dapat silang magbayad sa mga pinagkakautangan nila ng boto.
Tatlong bagay lamang ang ugat ng kapangyarihan ng malupit na terrorista at ganid na pulitiko: Salapi, baril at mga butangero. Nagdeklara na ng giyera ang gobyerno laban sa terorismo. Kaya rin kaya nitong digmain ang mga pulitiko?