Si Ben at ang kanyang mga kasamahan ay nagtatrabaho sa 20 ektaryang lupa ni Donya Consuelo na tinataniman ng palay at tubo. Sila ang gumagawa ng iba’t ibang pansakahang trabaho sa loob ng takdang panahon. Pagkatapos ng panahon, nagtatrabaho pa rin sila kung may ipagagawa pa si Donya Consuelo.
Ngunit pagkaraan ng maraming taong pagtatrabaho hindi na uli kinuha sina Ben upang gumawa sa lupa ni Donya Consuelo. Kaya nagdemanda sina Ben. Sila raw ay permanente nang mga magsasaka ni Donya Consuelo kahit pana-panahon lang silang gumagawa. Maraming taon na silang nagsasaka dito. Kaya lahat daw ng prebihileyo at karapatan ng isang regular na trabahador ay dapat mapasakanila lalo na ang kaseguruhan ng kanilang hanapbuhay bilang magsasaka. Tama ba sina Ben?
Mali. Ang nasabing batas ay tumutukoy lang sa mga trabahador na gumagawa ng karaniwang negosyo ng pinaglilingkuran at hindi ’yung mga nagtatrabaho ng pana-panahon o ng bawa’t proyekto lang. Kapag ang trabaho ng isang manggagawa ay sa isang proyekto lang o kung ang trabaho niya ay pana-panahon lang, ang trabaho ay natatapos sa pagtapos ng bawat proyekto o panahon. Kaya hindi magagamit nila Ben ang nasabing batas kung saan dapat permanente at regular na sila dahil higit na isang taon na silang paulit-ulit na nagsasaka. (Mendoza vs. Court of Appeals 201 SCRA 332).