Hala General, lagot ka!
Ayon sa aking bubuwit, 24 days na lang at Pasko na naman.
Happy birthday muna kay Ricky Villarica Jr., Andy Geronguni, Mika Villarica, Minda Arce, Tito Rey Veloso, SPO3 Irineo Lopez Jr., Rodrigo Logo Jr. at Nelia Abatayo.
Binabati ko rin si Joshua Shahani Navarro ng Dagupan City. Ipanalangin natin kay Lord na sana ay sustentuhan ka na iho ng tatay mong si Rep. Ranjit Shahani.
Ayon sa aking bubuwit, kahit may asawa na itong sekretarya ay may asim pa. Balingkinitan kasi, sexy at saka mestisahin. Siguro ay dito nabighani si General.
Ang love affair ni General at sekretarya ay lantad na sa kanilang opisina. Madalas silang nagkukulong sa kuwarto ni General. Parang style ito nu’ng administrator ng pamahalaan sa isang tanggapan na may kinalaman sa registration ng mga lupa.
Ano naman kaya ang ginagawa ni General at sekretarya habang nasa loob ng kuwarto. Nagkaka-kwentuhan kaya?
Ayon pa sa aking bubuwit, maraming empleado naman ang naaasar sa chiching na sekretarya ni General. Kung makaasta raw ay akala mo’y reyna sa kanilang opisina. Feeling ay siya ang First Lady ng office ni General. At hindi lang ’yan, matindi itong nasabing sekretarya sapagkat siya ngayon ang nakikialam sa mga transaksiyon sa opisina ni General. At siyempre, bawat transaksiyon ay may komisyon.
Wow, magkano kaya ang singil niya ng komisyon? Ten percent o 15 percent? Magaling palang negosyante itong si Mrs. Secretary.
Ayon sa aking bubuwit, ang police general na may affair sa kanyang sekretarya ay walang iba kundi si…
Huwag kang mag-alala General Angelo Reyes, Sir. Hindi po taga-Camp Aguinaldo itong sinasabi ko. Ito ay kapitbahay ninyo, taga-Camp Crame. Talagang naniniwala na akong mas matulis ang mga pulis kesa sa mga sundalo.
Ang police general na may affair sa kanyang sekretaryang may asawa ay walang iba kundi si…
Ang sekretarya ay itatago ko na lang sa pangalang Mrs. Alma.
Ang police General na may affair sa kanyang sekretarya ay si…
Two star general na ito.
Ito ay si Police Gen. R. as in Rambo.