MANILA, Philippines - Masaklap ang naging bunga ng pagkakawang-gawa ng isang driver na tumulong lamang sa isang lalaking naka-wheelchair na humihingi sa kanya ng karton para gawing kaÂlakal, subalit kapwa sila naatrasan ng closed van at masawi sa lungsod Quezon, ayon sa ulat kahapon.
Kinilala ni Chief Insp. Manuel Laderas, hepe ng Quezon City Police DisÂtrict Traffic Sector 4, ang nasawi na sina Philip Amoncio, 38, driver at Felipe Cureg, 44, ng Mother Ignacia St., Brgy. South Triangle.
Sa imbestigasyon, nangÂÂÂÂyari ang insidente sa may parking area ng National bookstore na maÂtatagpuan sa panulukan ng Scout Borromeo at Quezon Avenue, Brgy. South Triangle, ganap na alas-6 ng gabi.
Bago ito, ipinarada ni Amoncio ang kanyang Isuzu elf (UWC-948) sa nasabing lugar para magÂdeliber ng goods sa isang branch ng fastfood.
Tumulong pa ang biktima sa kanyang helper sa pagbaba ng goods, saka nilagyan pa ng paÂmigil ang gulong ng van para hindi umandar dahil sa medyo pababa ang kaÂnilang tinigilan.
Habang tumutulong si Amoncio, lumapit naman si Cureg na naka-wheelchair at nanghingi ng kalakal na karton na binigyan naman ng una.
Tinulungan pa ni AmonÂcio ang matanda na magtupi ng karton pero habang ginagawa nila ito ay biglang umatras ang truck at sa kasamaang palad ay kapwa naguluÂngan ang dalawa.
Sinasabing sinubukan pa ng pahinante ng truck na lumipat sa driver’s seat para pigilan ang pag-atras ng sasakyan pero nabigo ito. Agad namang isinugod ang dalawa sa East Avenue Medical Center subalit kapwa nasawi rin habang ginagamot.