MANILA, Philippines – Isang fetus na inilagay sa loob ng isang banga ang natagpuan na palutang-lutang sa karagatan ng Parañaque City kahapon.
Sa report na natanggap ng Station Investigation Division (SID), Parañaque City Police, dakong ala-1:00 ng hapon nang matagpuan ang fetus sa karagatan ng Coastal Road, Brgy. San Dionisio ng nabanggit na lungsod ni Jonila Archangel, nakatira sa nabanggit na lugar.
Ayon dito, habang siya ay nangongolekta ng basura, napansin niya ang isang banga na palutang-lutang, dahilan upang kunin niya ito at nang kanyang buksan ay doon tumambad ang isang fetus.
Mabilis na ipinagbigay-alam ni Archangel sa pulisya ang insidente.