MANILA, Philippines - Isang tama ng bala sa kanang bahagi ng batok ang tumapos sa buhay ng isang taxi driver matapos na pagtraidor na barilin ng isang maskaradong lalaki sa karinderya sa Quezon City, kahapon ng umaga.
Sa inisyal na ulat ng pulisya, nakilala ang biktima sa pamamagitan ng identification card na si Andres Mendoza, isang radio volunteer ng radyo singko News FM taxi Squad at nakatira sa bayan ng Plaridel, Bulacan.
Naganap ang krimen sa Joy and Billiard restaurant sa Anonas Boulevard, Anonas Extension, Quezon City, ganap na alas-9 ng umaga.
Nabatid na umiinom ng alak ang biktima nang lapitan at ratratin ng isang lalaki na naka-bonnet.
Nang bumuwal sa lapag ang biktima ay agad ding tumakas ang suspek papalayo sa lugar.