MANILA, Philippines - Patay ang isang 40-anyos na lalake makaraang pagbabarilin ng tatlong armadong suspect sa may Brgy. Commonwealth sa lungsod Quezon kamakalawa. Nakilala ang nasawi na si Willie Matsura, ng Unit 4 Riverside, Brgy. Commonwealth sa lungsod.
Patuloy naman ang pagsisiyasat ni Gagaza upang matukoy ang mga salarin. Nangyari ang insidente sa harap ng bahay ng biktima ganap na alas-8:30 ng gabi. Diumano, nakaupo ang biktima sa lugar nang biglang dumating ang mga suspect na armado ng baril at walang sabi-sabing pinaputukan ito.
Matapos ang insidente ay agad na tumakas ang mga suspect na pawang mga naglakad lamang papalayo sa lugar. Nagtamo ng mga tama sa tagiliran, likod at ulo ang biktima na siyang agad na ikinamatay nito.