MANILA, Philippines - Isang mister ang nasawi matapos itong tamaan ng ligaw na bala ng sumpak habang nanonood ng cara y cruz kahapon sa Caloocan City.
Dead-on-arrival sa Pres. Diosdado Macapagal Memorial Medical Center (PDMMMC) sanhi ng tama ng bala ng sumpak sa katawan ang biktima na nakilalang si Erick Catalino 29, pintor at residente ng Kawal St., Barangay, 28 ng nasabing lungsod.
Arestado naman ang suspek na si Romeo Tuparan 27, nakatira din sa naturang lugar.
Base sa ulat, dakong alas-7:30 ng umaga nang maganap ang insidente, malapit sa bahay ng biktima.
Lumabas ng bahay ang biktima upang magtapon ng basura at pagkatapos nito magtapon ay napadaan ito sa ilang kalalakihang nagsusugal at nanood. Minalas naman ito ang sugurin at barilin ng suspect katabi nito na hindi tinamaan at nang nasapol ay ang biktima. Kaagad na dinala ang biktima sa nabanggit na pagamutan subalit hindi na ito umabot ng buhay, habang agad namang nadakip ang suspect.