MANILA, Philippines - Isang hindi pa nakikilalang lalaki ang natagpuang nakahandusay at patay sa isang lugar sa lungsod Quezon kahapon ng madaling-araw.
Walang nakuhang anumang pagkakakilanlan sa nasawi maliban sa nagkalat na barya sa paligid nito.
Dahil dito, inilarawan itong may taas na 5’4”, 30-35 anyos, balingkinitan ang katawan, moreno, may tattoo na “BCG 32” sa likod, at nakausot ng asul na t-shirt at maong na pantalon.
Ganap na ala-1:30 ng madaling-araw nang madiskubre ang duguang katawan ng lalaki sa may panulukan ng Bremen at Baker Sts. sa West Fairview Subdivision, Brgy. North Fairview.
Ayon sa pulisya, nagtamo ng dalawang tama ng bala sa likod ang biktima mula sa kalibre .45 pistola.
Patuloy naman ang pagsisiyasat ng CIDU sa nasabing insidente.