MANILA, Philippines - Patay ang isang bagitong pulis matapos tumilapon mula sa kanyang minamanehong motorsiklo kahapon ng madaling-araw sa Valenzuela City. Dead-on-arrival sa Valenzuela General Hospital sanhi ng pinsala sa ulo at katawan si PO1 Rogelio Sotero Jr., 30, nakatalaga sa Caloocan City Police at residente ng Ignacio Compound, Santa Quiteria, ng nabanggit na siyudad.
Ayon sa report ng pulisya, nabatid na alas-12:30 ng madaling-araw naganap ang insidente sa kahabaan ng Gen. T. De Leon St., Brgy. Gen T. De Leon, Valenzuela City.
Minamaneho ng biktima ang kanyang motorsiklo, Honda TMX (BL-8386) at habang binabagtas nito ang nabanggit na lugar, bigla na lamang itong tumilapon na naging dahilan ng kanyang kamatayan.