MANILA, Philippines - Pinatay sa pamamagitan ng mga saksak ang isang negosyante bago pagnakawan ng kanyang houseboy, kamakalawa ng gabi sa Caloocan City.
Dead-on-the-spot ang biktimang si Romeo Gutierrez, 52, nakatira sa GSIS Hills, Talipapa ng lungsod na ito.
Hinahanting naman ng mga pulis ang suspek na si Jonathan Makasia, tubong Iloilo City at stay-in sa bahay ng biktima.
Sa inisyal na imbestigasyon ng pulisya, alas-10:30 ng gabi nang pasukin ng suspect ang biktima sa kuwarto at doon ito tinadtad ng saksak. Nang matiyak na wala nang buhay ang amo ay doon na isinagawa ang paghahalughog sa gamit ng nasawi.
Natangay ng suspect ang may 300,000 cash ng nasawi ngunit bago ito tuluyang tumakas ay nakita ito ng isa pang houseboy na si Angelo Victoriano, 19, na nagsumbong sa pulisya.