MANILA, Philippines - Isinantabi ni Makati mayoralty candidate Atty. Erwin Genuino ang karahasang pulitikal na personal niyang naranasan kamakailan nang makiisa ito sa panawagan para sa mapayapang halalan noong Huwebes sa San Carlos Seminary sa Guadalupe ng naturang lungsod.
Sinuportahan ni Genuino ang “Walk for Peace” ng Makati City Police, Commission on Elections at ng Parish Pastoral Council for Responsible Voting na naglalayong isulong ang isang kasunduang pangkapayapaan ng mga kandidato para sa lokal at pambansang halalan sa Mayo.