MANILA, Philippines - Instant millionaire ang dalawa sa anim na sibilyang tipster makaraang tumang gap ang mga ito ng P9.2-M cash reward sa AFP sa matagumpay na pagkakaaresto sa mga pangunahing lider ng NPA at MILF elements kahapon.
Ang cash reward ay personal na iniabot nina AFP Vice Chief of Staff Lt. Gen. Rodrigo Maclang at AFP-Civil Relation Service (AFP) Chief Brig. Gen. Diego Cruz sa isang simpleng seremonya sa Camp Aguinaldo.
Sa nasabing okasyon ay inanunsyo ni Cruz na inaprubahan na ni AFP Chief of Staff Gen. Victor Ibrado ang cash rewards na aabot sa P16.05 milyon para sa mga informers na nagbigay daan sa pagkakalupig sa anim na pangunahing lider ng NPA rebels, apat na lider ng Abu Sayyaf at dalawang miyembro ng MILF-SOG (Special Operations Group).
Inihayag nito na ang P9.2-M cash reward ay inisyal pa lamang mula sa kabuuang P16.05-M cash reward para sa masusuwerteng tipster.
Gayunman, alang-alang sa usapin ng seguridad ng mga bagong milyonaryong tipster at ng kanilang mga pa milya ay hindi tinukoy ang pangalan ng mga ito upang makaiwas sa resbak ng terorista at rebel groups. (Joy Cantos)