MANILA, Philippines - Posibleng may kinalaman sa ‘lakad’ na droga at holdap ang dahilan ng pagpatay sa isang 31- anyos na binata na malapitang binaril sa kanang bahagi ng leeg ng riding-in-tandem sa Sampaloc, Maynila kamakalawa ng hapon.
Dead-on-the-spot ang biktimang si Rocel Reyes, walang trabaho, residente ng 1056 Leyte Laki St., Sampaloc sanhi ng tama ng bala sa katawan.
Hindi pa matukoy ang pagkikilanlan ng dalawang lalaking suspek na magkaangkas sa isang motorsiklo at tumakas bitbit ang 9mm na baril.
Pauwi sa kanyang bahay ang biktima nang harangin at barilin ng nag-aabang na suspek.
Aminado naman umano ang ina ng biktimang si Aling Remedios na may ilang taon nang lumilinya sa iligal na droga ang anak at pinasok na rin umano ang panghoholdap hanggang sa siya mismong ina ay pinagnakawan ng relo at isinanla. (Ludy Bermudo)