MANILA, Philippines - Kahit alagad ng batas ay hindi ligtas sa kamay ng kilabot na “Akyat Bahay gang” matapos na limasin ng mga ito ang gamit ng isang miyembro ng Quezon City Police District sa lungsod, ayon sa pulisya kahapon.
Ito ang nabatid makaraang personal na dumulog sa tanggapan ng Criminal Investigation and Detective Unit ng QCPD ang biktimang si PO3 Aldrin Matienzo, 38, may-asawa, nakatalaga sa District Investigation Division, police clearance Section ng nasabing kapulisan, upang magpa-blotter.
Natuklasan na lamang ng biktima na nawawala na ang kanyang service firearm, hindi mabatid na halaga ng pera at alahas pagbalik nila ng kanyang pamilya buhat sa pagsamba sa isang simbahan ganap na alas-12 ng tanghali. (Ricky Tulipat)