MANILA, Philippines - Isang fetus na tinatayang 3 hanggang apat na buwang gulang na fetus ang natagpuan ng mga elementary students ng isang pampublikong paaralan na nakasilid sa isang lata ng milk formula, sa Ermita, Maynila, kahapon ng umaga.
Ayon sa ulat, dakong alas-7:45 ng umaga nang mapansin ng isang Randy Galvez, construction worker na namamasukan sa itinatayong gusali sa loob ng Delos Santos Elementary School, ang mga estudyante na inuusyuso ang isang lata ng gatas, sa Malvar st., Ermita. Nang silipin ang laman ay isang fetus na di pa batid ang kasarian. Posible umanong itinaon na madilim pa nang itinapon sa harapan ng eskwelahan ang fetus. (Ludy Bermudo)