MANILA, Philippines - Tuluyang binawian ng buhay sa Ospital ng Sampaloc ang isa sa dalawang holdaper ng pampasaherong dyip na kinuyog at binugbog ng taumbayan matapos ang ginawang panghoholdap, kahapon ng umaga sa Sampaloc, Maynila.
Kinilala ang nasawing suspek na si Wilson Ramos, tinatayang nasa 25-30 anyos, miyembro ng Sputnik gang ng Capulong St., Tondo.
Ang isa pang suspek na sugatan dahil din sa bugbog ay kinilalang si Joseph Salazar, 29, miyembro din ng Sputnik, residente ng Guadal Canal St., Old Sta Mesa, Maynila ay nakapiit na sa Manila Police District-station 4.
Sa ulat ni Det. Jay Santos ng MPD-Homicide Section, dakong alas- 8:15 ng umaga kahapon nang maganap ang insidente sa panulukan ng Algeceras at Prudencio Sts., Sampaloc. (Ludy Bermudo)