MANILA, Philippines – Patay ang isang family driver at sugatan naman ang amo nito matapos barilin at holdapin ng dalawang kalalakihan na sakay ng motorsiklo kahapon ng umaga sa lungsod ng Caloocan.
Dead-on-arrival sa pagamutan sanhi ng mga tama ng bala sa katawan ang biktimang si Bernas Nickson, 30, stay-in driver ng Vista Verde, Kaybiga ng lungsod na ito.
Ginagamot naman sa Lourdes Hospital sanhi ng tama ng bala sa kanang hita ang amo nitong si Arnel David, may-ari ng isang piggery.
Ayon sa ulat, alas-8 ng umaga nang maganap ang insidente habang binabagtas ng mga biktima ang kahabaan ng Gen. Luis St., Kaybiga ng lungsod na ito lulan ng isang Isuzu pick-up (XMS-656) nang harangin ng mga suspect at saka nagdeklara ng holdap.
Kinuha ng mga suspek ang isang milyon na idedeposito sana ng mga biktima sa isang bangko bago sila pinagbabaril.
Matapos ang inisdente ay tumakas ang mga suspek sakay ng isang pulang mo torsiklo na hindi na nakuha ang plaka.