MANILA, Philippines - Nadakip at ikinulong ng mga awtoridad ang isa sa apat na carnapper na tumangay sa motorsiklo ni PO2 Minly Casal-Gutierrez habang nakaparada ito sa labas ng bahay ng pulis sa Barangay Ususan, Taguig City kamakalawa ng gabi. Kinilala ng pulisya ang suspek na si Richard Macapas, 24, binata, residente ng Barangay Rizal, Makati City. Pinaghahanap pa ang ibang suspek na kinilala sa pangalang Jeffrey del Fonso, 27; kapatid nitong si Jason, 25; at Jun-Jun Camba, 23. (Rose Tesoro)