Patay ang isang mister nang pagbabarilin ng hindi pa nakikilalang lalaki na hinihinalang pinagkakautangan ng una sa Caloocan City kahapon ng umaga.
Dead-on-the-spot sanhi ng mga tama ng bala sa katawan si Lambert Magdunog, 41, ng Concepcion St., Morning Breeze ng lungsod na ito.
Samantala, nagsasagawa pa ng follow-up operation ang mga pulis laban sa hindi pa nakikilalang suspek.
Sa ulat ng pulisya, alas-9:30 ng umaga, naglalakad ang biktima sa Concepcion St.,nang babaan ng suspek sakay sa isang Toyota Corolla na may plakang TMW-890 at sinisingil ang una sa utang. Nauwi naman ito sa mainitang pagtatalo hanggang sa binunot ng suspect ang dalang baril at saka ipinutok sa biktima bago mabilis na tumakas.
Patuloy na iniimbestigahan ng pulisya ang nabanggit na insidente. (Lordeth Bonilla)