Maaaring masampahan ng kasong kriminal ang ilang mga residente sa Barangay Greater Fairview, Quezon City na bumugbog, sumak sak at nakapatay kay Rustan Lorono. Isa si Lorono sa dalawang holdaper na nakipagbarilan at nakapatay kay Police Officer 1 Voltaire Benhur Busway noong Sabado ng hapon.
Ito ang ipinahiwatig kahapon ni Supt. Franklin Moises Mabanag, hepe ng Quezon City Police District-Criminal Investigation and Detection Unit, na nagsabing tinutukoy pa nila kung sinu-sino sa mga kapitbahay ni Busway sa naturang lugar ang nakapatay kay Lorono.
Kinuyog umano at pinagsasaksak ng mga kapitbahay ni Busway si Lorono makaraang mapatay nito ang naturang pulis.
Nabatid na naunang hinarap si Busway ni Lorono at kasama nitong si Ramiro Reyes makaraang holdapin ng mga ito ang biktimang si Sitnam Singh.
Pero lumaban at nakipagbarilan si Busway sa mga suspek. Nagawa ni Busway na mapatay si Reyes pero nakatakas si Lorono na kinuyog naman ng mga residente sa naturang lugar. (Reinir Padua)