Pitong bakla na inireklamong gumagawa ng sex trip at ibang kalaswaan sa madilim na bahagi ng Roxas Blvd. sa Pasay City ang inaresto ng pulisya kahapon ng madaling-araw sa naturang lugar.
Ang mga naaresto ay kinilala ng pulisya na sina Julius Labadan, 32, food server, ng 108-C David St., Pasay City; Raul Ortega, 23, helper, residente ng 204 Santos Village, Las Piñas City; Ben Lowell Bacon, 25, ng 57 Lot 6, Villa Apollonia, Naic, Cavite; June Savellano, 22, food server ng 307 G. Villanueva St., Pasay City; Robert Morico, 28, ng 307 G. Villanueva St., Pasay City; Domingo Mariano, 28 ng #57 Russel St., Pasay at Ferdinand Briones, 28, Campus Minister, ng #2344 Tramo/Celeridad St., Pasay City.
Sina Ortega at Labadan ay naaktuhang gumagawa ng kalaswaan o sex trip sa harap ng mga taong dumaraan nang madakip.
Ang mga suspek ay agad na sinampahan ng kasong grave scandal sa Pasay City Prosecutor’s Office.
Gayunman, napaulat na inatake sa puso at namatay si Ortega habang nakakulong kahapon ng umaga. (Rose Tamayo-Tesoro)