Sa kamatayan nauwi ang dating magandang pagsasamahan ng dalawang magkaibigan nang pagsasaksakin at napatay ang isang 47- anyos na miyembro ng Commando gang ng kanyang matalik na kaibigan at kababayan sa Port Area, Maynila kamakalawa ng gabi.
Namatay sa pinagyarihan ng insidente ang biktimang si Sergio Amuyo, alyas Bondying, ng Baseco Compound, Port Area. Pinaghahanap naman ng pulisya ang isang alyas Kadong Gurang, 60, tubong Samar, Leyte na tumakas matapos ang insidente.
Nagkita umano ang dalawang magkababayan kaya niyaya ng biktima ang suspek na mag-inuman subalit nang nakaubos na ng ilang bote nang alak ay narinig umano ng ilang residente na nag tatalo ang dalawa hanggang sa naglabas ng patalim ang suspek at pinagsasaksak ang biktima na nagre sulta sa kanyang agarang kamatayan.
Nag-ugat umano ang pagtatalo ng dalawa nang biruin umano ng biktima ang suspek ang pagiging wanted nito sa pulisya kung saan mayroon umanong nakabimbin itong kaso sa Cavite. (Grace Amargo-dela Cruz)