Dinakip ng mga operatiba ng Manila Police District sa isinagawang buy-bust operation ang isang 30-anyos na Chinese National na hinihinalang miyembro ng Hongkong Triad at nagbebenta at gumagawa ng matataas na uri ng iligal na droga sa Binondo, Maynila. Hawak ngayon ng MPD-Station 11 ang suspek na si Samson Tan, binata, ng Soler St., Binondo dahil sa kasong Illegal sale and possession of illegal drugs. Hinihinala ng pulisya na may mataas na ranggo ang suspek sa sindikato dahil sa “Dragon” na tattoo sa kanang bahagi ng katawan nito. Dagdag pa ni Yabut, hindi ordinaryong shabu ang ibinebenta nito dahil sa kakaibang sangkap nito ayon sa resulta na isinagawa ng Narcotics. (Grace dela Cruz)