Patay ang isang hinihinalang drug pusher matapos na pumalag umano sa mga umaarestong pulis sa isang buy-bust operation kamakalawa sa Quezon City.
Nagtamo ng tama ng bala sa iba’t ibang bahagi ng katawan ang suspek na nakilalang si Baybayan Alibar, 31, ng Maguindanao St., Al Salaam Mosque, Brgy. Culiat, ng naturang lungsod.
Sa ulat ng pulisya, naganap ang insidente dakong alas-12:35 kamakalawa ng hapon sa tapat mismo ng bahay ng suspek.
Isang pulis umano ang nagpanggap na buyer kung saan nagkaabutan ng shabu kapalit ng halagang P1,000. Nakatunog naman umano ang suspek na lalambatin siya ng mga pulis kaya agad na bumunot ng baril at pinaputukan ang buyer.
Nagawa naman umanong makalayo agad at makailag sa bala ang pulis na buyer habang su maklolo na ang mga naghihintay na kasamahan nito nang tadtarin ng bala ang suspek sanhi ng kamatayan nito. (Danilo Garcia)