Limang kalalakihan na pinaniniwalaang miyembro ng Hongkong Triad, ang napaulat na bumagsak sa kamay ng pulisya sa isinagawang magkahiwalay na buy-bust operation sa Binondo at Sta. Cruz, Maynila kamakalawa.
Kabilang sa mga suspek na kinasuhan ay sina John Lim, alyas Chicon Lim, 45, ng 42-A Tomas Mapua St., Sta. Cruz, Maynila; Danny Santos, 54, ng 4-B Church St., Grace Village, Quezon City; Oscar Sy, 42, ng #629 Ronquillo St., Quiapo, Maynila; Manuel Sy, 45, ng #629 Ronquillo St., Quiapo, Maynila at si Christian Espino, 29, waiter, ng #211 Dalton St., Filinvest, Quezon City.
Sa ulat ni P/Supt. Nelson Yabut, hepe ng MPD-Station 11, isinagawa ang buy-bust operation sa panulukan ng Plaza Sta. Cruz at Bustos St., Sta. Cruz, Maynila at Tomas Mapua St., Binondo, Maynila.
Napag-alamang isang pulis ng PCP 11 ang nagsilbing poseur-buyer sa Bahagi ng Tomas Mapua kung saan nakaparada ang kotse ng mga suspek.
Nadakip ang apat sa kotse habang ang grupo ay sa bahay ni John Lim na pinaniniwalaang source ng shabu. (Judy Bermudo)