Isang ginang ang nagpakamatay sa pamamagitan nang pagbibigti dahil sa umano’y hindi makabayad sa renta sa inuupahang bahay sa Sta. Cruz, Maynila, kahapon ng madaling-araw. Nakilala ang nasawi na si Rowena Navarro, may-asawa ng 2315 Int., Felix Huertas St., Sta. Cruz, Manila. Nabatid mula sa imbestigasyon ng pulisya na natagpuan ang bangkay ng biktima dakong alas-4 ng madaling-araw sa loob ng inuupahang bahay ng biktima. Ayon sa mister nitong si Rogelio, may ilang araw na umanong namomroblema ang kanyang misis kung saan sila kukuha ng pambayad ng renta sa kanilang inuupahang bahay. Nagbigay umano ng ultimatum ang kanilang landlady at palalayasin na sila kung hindi pa rin makakabayad sa kanilang pagkakautang. (Grace dela Cruz)