Isang ama ng tahanan ang naglapastangan ng puri ng kanyang dalawang dalagitang anak makaraang paglalamasin niya ang mga ito at ginawang parausan habang wala sa bahay ang kanyang misis kamakalawa ng umaga sa Malabon City.
Matinding pagsisisi at halos maglumuhod sa paghingi ng tawad ang suspek na si Emil Prado, 49, pintor, barangay tanod ng Guava Road, Barangay Potrero sa mga biktimang itinago sa mga pangalang Grace, 18; at Carmen, 15.
Ayon sa ulat ni PO1 Charlie de Guzman, may hawak ng kaso, unang pinagsamantalahan ng suspek si Grace dakong alas-6 ng umaga habang wala ang asawa nito at isang anak.
Sa salaysay ng biktima, bigla na lamang siyang sinunggaban ng kanyang ama at agad na hinubaran ng damit bago kinubabawan. Nang makaraos ay tinakot ng suspek ang biktima na may masamang mangyayari sa kanila kapag nagsumbong ito sa kanyang ina kaya’t minabuti ng dalaga na manahimik na lamang.
Dakong alas-11 ng umaga, muling sinumpong umano ng kanyang pagiging hayok sa laman ang suspek at pinagsamantalahan nito ang isa pang anak na si Carmen subalit nagising ito sa ginagawa ng ama at siyang naglakas-loob na sumigaw at humingi ng tulong.
Mabuti na lamang at dumating ang inang si Maria Mercedes at nasaklolohan ang biktima na mabilis na humingi ng tulong sa kanilang barangay at ipinaaresto ang manyakis na asawa. (Lordeth Bonilla)