Sinalakay kamakalawa ng gabi ng mga tauhan ng National Bureau of Investigation ang Silvercrest Rehabilitation Center sa BF Homes, Parañaque at sinagip si Carol Castañeda na asawa ni dating Manila Congressman Mark Jimenez.
Tinangka pa ng kapatid ni Jimenez at isa sa may-ari ng Silvercrest na si Diana Crespo na tanggihang ibigay sa NBI si Castañeda pero hindi siya umubra sa mga armadong tauhan ng ahensya.
Isang abogado ni Castañeda na si Lorna Kapunan ang nagsabing may hawak silang kautusan ng Supreme Court sa NBI na kunin ang babae sa Silvercrest.
Ipinaliwanag naman ni Crespo na ipinagtatanggol lang nila ang sarili nilang tahanan.
Sinabi rin ng pamilya ni Castaneda na ipapasuri muna nila ito para matukoy kung iniiniksyunan ito ng iba’t ibang gamot habang nasa rehabilitation center.