300 ospital magwewelga

Nakatakdang ilun­sad bukas ng may 300 mga pribadong ospital ang kanilang welga  bilang protesta sa bagong batas na nag­papahintulot na maka­labas ang mga pas­yente kahit walang pambayad.

Nakapaloob dito, na sa araw na ito ta­nging mga emergency cases lamang ang tatangga­pin ng mga paga­mutan. 

Nakikita ng mga pribadong ospital na ang bagong batas na Republic Act 9439 o Patient’s Illegal Deten­tion Act na nilagdaan ng Pangulong Arroyo noong Mayo 2 ang siyang papatay sa kanila.

Nakapaloob sa na­tu­rang batas ang pag­babawal sa mga paga­mutan na ipitin ang mga pasyente na hindi nakakabayad, kundi ang kailangan lamang ay papirmahin ang mga ito sa promissory note para makauwi.

Iginiit naman ng ospital owners na sila naman ang papatayin ng batas. Sinabi pa ng mga ito na base sa ta­laan, isa lang sa bawat 10 nag-iiwan ng pro­missory note ang bu­mabalik upang mag­bayad.

Dahil nga dito nag­ka­sundo ang may 300 private hospital na isa­gawa ang “hospital holiday” bukas .

Sa araw na ito, hindi sila tatanggap ng mga bagong pasyente ma­liban na lamang kung emergency.

Balak nila itong ulit-ulitin kada buwan hang­gang matapos ang taon.

Samantala,  hindi uma­no  dapat na ika­takot ng mga mama­mayan ang Hospital holiday na isasa­gawa ng mga pribadong ospital.

Ito ang naging pa­ha­yag kahapon ni Dr. Ro­bert So ng  Depart­ment of Health (DoH) kaugnay sa isasaga­wang hospital holiday  ng mga priba­dong ospital bukas, ka­sabay nang pagsasabing  pam­publikong ospital sa mga pasyenteng da­dagsa dito sa oras na tanggihan ang mga ito ng mga private hos­pitals.

 Ikinatuwiran pa ni So na hindi dapat ma­takot ang mga mama­mayan na nagpa­pa­suri sa mga pribadong os­pital sa oras na isaka­tuparan ng mga ito ang Hospital Holi­day dahil babalangkas pa ang DoH ng mga imple­menting rules ukol dito.

Gayunman, sa ka­bila ng gagawing pro­testa ng  mga may-ari ng mga pri­badong ospital ay dapat pa rin umanong pasala­ma­tan  ang  mga ito dahil kahit na hospital holi­day ay tatanggap pa  rin ang mga ito ng pas­yente kung emer­gency.

Aniya, bukas din ang DoH sa anumang hinaing at mungkahi  ng mga may-ari ng mga priba­dong ospital  sa oras na babalang­kasin na nito ang im­ple­menting rules ng Republic Act 9439-Patient’s Illegal de­tention act.