Isang 32-anyos na driver na si Dennis Escototo ang namatay habang lubhang nasugatan ang kasama niyang si Marvin Enosanto nang barilin sila ni Police Officer 3 Antonio Apostol na nagresponde sa isang rambulan sa Bagong Silang, Caloocan City kamakalawa ng gabi.
Napilitan umanong magpaputok ng baril si Apostol nang ayaw magpaawat ang mga sangkot sa rambulan at patuloy siyang inaambahan ng saksak ni Enosanto at pagbabatuhin ng bote ng kapatid ni Escototo na si Darwin, 31. Inaresto kinalaunan si Darwin habang sumuko sa kanyang mga superior si Apostol. (Lordeth Bonilla)