Ang parada ay nagtatampok ng mga naglalakihang mga aktor, direktor at mga kilalang personalidad sa showbiz na maglilibot sa Kamaynilaan sakay ng mga pinakabonggang mga floats para makamayan at makasama ng kanilang mga tagahanga. Ang mga grandiyosong floats na ito ay espesyal na dinisenyo na naaayon sa tema ng mga pelikulang kasali.
Ang parada ay magsisimula sa Quezon Ave., babagtas ng España, kakanan ng Lerma at didiretso ng Quezon Blvd. at kakanan patungong P. Burgos-Roxas Blvd. tuluy-tuloy hanggang EDSA papuntang Mall of Asia hanggang sa makarating sa harap ng Aliw Theater, Star City, CCP Complex, Manila.
Para lalong bigyang-saya ang kumpetisyon, ang Manila Broadcasting Co. (MBC), ang co-producers ng MMFFP ay mamimigay ng naglalakihang mga papremyo para sa mananalo ng Best Float category ngayong taon. Ang mananalo ng grand prize ay mag-uuwi ng P500,000 habang ang second prize ay magkakamit ng P300,000 habang ang 3rd place naman ay P100,000.