Sa ulat ni Senior Supt. Raul Petrasanta, QCPD Baler Police Station, naganap ang insidente dakong alas-9:15 ng gabi sa kanto ng West Avenue at Del Monte Avenue sa nabanggit na lungsod.
Ayon kay Saturno, ipaparada pa lamang niya sa parking lot ng Metro Bar ang kanyang sasakyang Toyota Fortuner na kulay itim na may plakang ZAF-558 nang biglang sumulpot ang isang puting van na hindi naplakahan. Agad na bumaba ang dalawa sa limang armadong lalaking sakay nito.
Tinutukan umano siya ng baril at inutusang bumaba sa kanyang sasakyan at saka pinasakay sa van ng mga suspect. Habang ang dalawa naman ang siyang nagmaneho sa kanyang sasakyan.
Ayon sa mga awtoridad isinama umano ng mga suspect si Saturno sa kanilang pagtakas, pagdating sa bahagi ng Marilao sa Bulacan saka pinababa ng mga suspect ang biktima at tuluyang itinakas ang sasakyan nito.
Hanggang sa ngayon ay hindi pa rin narerekober ang bagong sasakyan ni Saturno na inalarma na rin naman ng mga awtoridad. (Doris Franche)