Binawian ng buhay habang ginagamot sa MCU Hospital ang biktima na kinilalang si Molina Meloria, 36, may-ari ng isang junkshop at nakatira sa Rose St. Reparo, Baisa ng nasabing lungsod.
Si Meloria ay nagtamo ng maraming tama ng bala sa likod at ibang bahagi ng katawan na naging sanhi ng kanyang kamatayan.
Ayon sa ulat, naganap ang insidente dakong alas-9:30 ng gabi habang papauwi na ang biktima sa kanyang tahanan galing sa paniningil ng pautang nang bigla na lamang sumulpot ang tatlong lalaki sakay sa isang motorsiklo at saka tinutukan ng baril ang biktima.
Pilit na kinukuha ng mga suspect ang dalang handbag ng biktima, ngunit pumalag ang ginang kaya agad itong niratrat ng mga suspect at nang bumulagta ay mabilis na kinuha ng mga holdaper ang cash, cellphone at iba pang mahahalagang gamit ng biktima. (Ellen Fernando)