Ayon kay Liquified Petroleum Gas Marketeers Association (LPGMA) Arnel Ty, simula ngayong araw na ito ay mararamdaman na ng taumbayan ang nasabing pagtaas.
Paliwanag ni Ty na hindi na kayang pasanin ng kanilang grupo ang panibagong pagtaas ng presyo nito sa world market kaya kailangan na nilang mag-adjust ng presyo.
Dahil sa ginawang pagtaas ng presyo ng grupo ni Ty, inaasahan namang susunod din ang iba pang kompanya ng langis ng kahalintulad ding pagtaas.
Sa kasalukuyan ay umaabot na sa P463 ang presyo ng LPG ng grupo ni Ty, dealer ng Cat, Sula, Pinnacle at Omni Gas. (Edwin Balasa)