Sa ulat ni DPWH Special Bridges-PMO director Emil Sadain kay Secretary Hermogenes Ebdane Jr., sinibak nito sina Leo Marcial at Leopolde Uyanib, driver at truck helper.
Base sa ulat, nahuli sa aktong ibinebenta ng dalawa ang mga angle bars sa Villapando Junkshop na pag-aari ng isang Edwin Pineda sa Brgy. Tuao, Bagabag, Nueva Vizcaya noong Hulyo 16, 2006.
Sinibak din si Romulo Villafuerte, construction foreman matapos itong ituro bilang kasabwat ng dalawang suspect.
Ang tatlo ay mga contractual employees sa special bridges ng PMO, isang ahensiya ng DPWH na responsable sa pagpapatupad ng "Tulay ng Pangulo" projects.
Bukod dito, sinuspinde naman si Ruben Villagracia dahil sa negligence of duty bilang depot manager sa Morong, Bataan. (Gemma Amargo-Garcia)