Namatay dakong ala-1 ng hapon kahapon sa FEU General Hospital si Andrew Rey Jurado, 23, college student ng Blk. 10 Lot 6 Gilmore St. Hobart Village, Brgy. Kaligayahan, Quezon City.
Na-comatose ito matapos na barilin sa ulo ng mga suspect na sina Marlon Fernandez at isang alyas Emay. Patuloy pa ring pinaghahanap ng pulisya ang dalawa na mabilis na tumakas matapos ang pamamaril.
Lumilitaw naman sa imbestigasyon ni PO2 Joel Gagaza ng QCPD-CID na posibleng ang mga suspect at biktima ay sangkot sa frat war matapos na makalap ng awtoridad na nagkagirian ang grupo ng biktima at suspect bago maganap ang pamamaril ng huli sa una.
Dahil dito, posibleng maging murder ang kaso laban sa dalawang pinaghahanap na suspect. (Doris Franche)