Nahaharap sa kasong paglabag sa Comprehensive Dangerous Drug Act si Teodirico Dalagan, alyas Totoy Bato, 52, ng #1 Antonio Subdivision, Malanday ng nabanggit na lungsod.
Sa ulat, dakong alas-12:10 ng madaling-araw nang madakip ang suspect sa harap ng kanyang tahanan sa nasabing lugar.
Nauna rito, nakatanggap ng tawag ang awtoridad mula sa kanilang impormante hinggil sa lantarang pagbebenta ng suspect ng droga sa nasabing dubdibisyon.
Dito agad na bumuo ng team ang SAIDSOU kung saan isang elemento nito ang nagpanggap na poseur buyer sa suspect.
Nang akmang inaabot na ng suspect ang tatlong sachet ng shabu ay agad itong dinamba ng mga operatiba kung saan narekober sa pag-iingat nito ang ibang shabu paraphernalia at ang marked money na ginamit sa nasabing operasyon. (Rose Tamayo)