Nakilala ang nasawi na si Reynaldo Baliwag, 46, binata at residente ng Hizon St., Tondo, Maynila habang patuloy na kinikilala ng pulisya ang tumakas na suspect.
Sa ulat ng WPD-Homicide Section, naganap ang pananaksak sa biktima dakong alas-6 ng gabi sa panulukan ng Asuncion at Morga St., Tondo.
Bago ito, nakita ang biktima at ilan pang pedicab driver na nagtatalo sa kanilang pila sa may Asuncion Market. Nabatid na sumingit umano sa pila si Baliwag nang magsakay ito ng pasahero kaya nagalit ang mga kasamahan nito.
Posibleng isa sa pedicab driver na nakasagutan ng biktima ang nagtanim ng galit at nanaksak sa biktima nang magkasalubong ang ruta. (Ulat ni Danilo Garcia)