Ayon kay Sr. Insp. Santiago Pascual, ng Central Police District-Kamuning Police Station, dumulog sa kanila ang biktima na itinago sa pangalang Liza matapos na umano’y molestiyahin at pagbantaan ni Crisano noong Hunyo 15 sa loob ng kanyang bahay sa #1402 Future Port Plaza, Panay Ave., Brgy. South Triangle ng nasabing lungsod.
Sa imbestigasyon ni PO2 Jefferson Tuyo, Hunyo 15 noong magpamasahe ang basketbolista sa biktima sa loob ng kuwarto nito.
Nagulat ang biktima nang bigla siyang yayain ni Crisano na makipag-sex. Tumanggi siya at nanlaban at dito na siya tinutukan ng baril ng suspect.
Nagmamakaawa umano siya sa basketbolista hanggang sa paghahawakan na lamang nito ang maseselang bahagi ng kanyang katawan. Si Crisano ay boyfriend ng TV host at komedyante na si Ethel Booba.
Nakatakas lamang siya noong Hunyo 20 kung kaya’t agad siyang nagharap ng reklamo sa pulisya kasama ang kapatid ni Booba na si Boobita.
Matatandaang nahaharap din sa kasong deportation si Crisano dahil sa pamemeke ng kanyang citizenship at illegal possession of firearms matapos na mahulihan ng 9mm pistol na walang kaukulang papeles. (Ulat ni Doris Franche)